Remise des Prix Kiwan et Eddé

حضرة الأب الرئيس

حضرة المسؤولين

حضرة الأساتذة المحترمين

زملائي الأعزّاء

تحيّي لكل المودودين

بهالمدرسي كبرْنا، وتعلّمنا الحرف، حتى لقِينا الكلمي، وقْدرنا نوصّلا. مدرستنا عظيمي، مع إنو هالكلمي ما بتوفيا حقّا.

هي حاضنتنا، بتنمّي قدراتنا بكل المجالات، وبتقدّرلنا عملنا ومواهبنا. مدرستنا ما بتترك فرصه أو مناسَبي إلاّ وبتشجّعنا. وتقديرا المعنوي لوحدو بيكفينا، تنضلّ دايمًا بطريق التقدّم.

وبهالمناسبي، بدّي وجِّه شكر خاص للأب الرئيس سليم دكاش، يَلّلي هوّي بَيّ لإلنا، ويلّي بيرافقنا بكل عمل.

شكر خاص لقدامى المدرسي المحترمين الأستاذ جاك إدّه والأستاذ آميل كيوان، يلّي مأثّرا فيهُن روح الجمهور، وحبّوا يشجعونا اليوم عطريقتَين، بالكتابي الأدبيّي.

ما بدنا ننسى مكتب تنسيق اللغه العربيّي بمدرستنا، وكل أساتذتنا إلّي إلُن فضل كبير علينا.

بإسمي، وبإسم كل رفقاتي إلّي اشتركوا بهالعمل، منشكرمدرستنا، ومنتمنّى نوصل للمستوى يلّي بدكن يانا نوصلّو، ونضلّ مبيّضينلكُن وجّكُن

نادين حويك الثاني (1)

Remise des Prix Kiwan et Eddé كلمة ممثلة المشتركين في التأليف

Remise des Prix Kiwan et Eddé
كلمة ممثلة المشتركين في التأليف