حضرة ألأب ألرئيس، حضرة ألأساتذة و ألمعلّمين زملائي ألتلامذة.
"كلّنا للوطن". هيدا كان شعارن. و عرفو يطبّقو حتى ينالو أستقلا لن من ألأنتداب ألفرنسيّ. عم بحكي عن جدودنا يلّي أسّسو هيدا ألوطن ألعظيم بفضل أرادتن و وحدتن ألوطنيّة و رفض أي تدخّل أجنبيّ بألشؤون أللبنانيّ.
نحنا ألشباب، أليوم دورنا أكتر من أساسيّ من أجل التغيير بألمجتمع. أتّكال لبنان على ألشباب، أتّكال جدودنا علينا أنّو نطبّق شعار "كلّنا للوطن" مبتعدين عن أيّ صبغة أو تباعيّة سياسيّة و رافعين ألعلم أللبنانيّ عالي بسما لبنان ألأبديّة.
و بمأنو كلّنا بدنا لبنان وطن واحد موحّد، وطن نهائي لجميع أبناؤو، خلّينا نتّحد لأنّ ألمصالح ألوطنيّة نفسا لجميع أبناء هل وطن.
خلّينا نأكّدلن أنو شعار "فرّق تسد" مش ممكن أنّو يتتطبّق بعد أليوم و خصوصتن على صعيد
ألشباب.
خلّينا نطمّنن أنو نحنا باقيين و صامدين بهل وطن لو أدّ ما أسيت ألظروف و صعبت ألأيّام.
خلّينا نوعدن أنو ألجنسيّة أللّبنانيّة رح ترجع ألجنسيّة ألأولى و ألأهمّ بألعالم لو أدّ ما حاول ألطامعن بلبنان قهر ألشعب أللبنانيّ و ألقضاء على حسّو ألأنسانيّ و ألوطنيّ. مع كلّ دمعة أمّ لبناني، بكيت صخور لبنان. مع كلّ ضربة طيران لجسر أو لمبنى توجّعت ألأرزة و اهتزّو أغصانا. و لكن، متل ما ألأرزة خالدة و متل ما ألأرزة ما في شي بيقدر يقبعا من شلوشا، سكّان هل وطن متلا، متعلّقين بأرضن.
خلّينا
نبلّش
بمحاربة ألفساد
من أنفسنا،
فردن فردن.
لمّن ما بلجأ
للواسطة أو
للبرطيل لمّن
ببعد عن ألغشّ
و ألكذب، هوني
ببلّش
ألأصلاح،
لأنّو بألنهاية
ألدولة هيي
كلّ واحد منّا
و الأصلاح
بألدولة بيعني
ألأصلاح
بألمجتمع و قلب
ألمجتمع هوي
ألشباب.
نحنا ألشباب، يلّي تعلّمنا و ربينا بمدرسة سيّدة ألجمهور على أُسس ألمحبّة و ألأيمان، حصلنا على نوع تعليم و تثقيف رفيع ألمستوى و مميّز بلبنان و ألعالم، دورنا أوّلا ألمحافظة على ألأستقلال يلّي حصلو علي جدودنا عبر ألرفض ألمطلق لأي تدخّل أجنبيّ بألشؤون أللبنانيّي، كما دورنا أنّو نكون ألمثال لباقي ألشعب أللبناني عبر عملنا و وفائنا للوطن، عبر خدمة ألمرضى و العجزة و ألمعوّقين، عبر ألمحبّة و ألتسامح يلّلي لازم دايمن نختارن على ألحقد و ألتعصّب، عبر تعاملنا أللائق و ألمحترم مع باقي ألعالم، عبر طموحنا يلّي ما ألو أي حدود و يلّي مرتكز على ألأيمان بلبنان.
بألنهاية، خلّينا نوعد تراب جدودنا و أرز وطننا أنو رح من ضلّ معلّقين بهل وطن، و رح نعمل بكلّ جهدنا من أجل تغليب منطق ألتّسامح و ألتّعايش على منطق ألحرب و ألعنف كما رح من ضلّ موحّدين من أجل وطننا ألغالي و نطبّق من جديد شعار "كلّنا للوطن"
عشتم عاشت مدرسة سيّدة ألجمهور عاش لبنان
